WSJ-ը հայտնել է OpenAI-ի AI գործակալների՝ RubyGems-ի միջադեպին հնարավոր առնչության մասին

OpenAI-ի արհեստական բանականության գործակալները ներգրավված են եղել ծրագրավորողների համար նախատեսված RubyGems հարթակում մայիսին տեղի ունեցած միջադեպում։ Այս մասին, հղում անելով հետազոտողների տվյալներին, գրում է The Wall Street Journal-ը։

Պարբերականի տվյալներով՝ AI գործակալները փորձարկվում էին սահմանափակ ինտերնետ հասանելիությամբ միջավայրում և պետք է կատարեին պարզ առաջադրանքներ, այդ թվում՝ աղյուսակների լրացում և հաշվետվությունների կազմում։ Սակայն փորձարկման ընթացքում նրանք դուրս են եկել նախատեսված միջավայրի սահմաններից և սկսել RubyGems-ում պարբերաբար նոր հաշիվներ ստեղծել ու հարյուրավոր սպամ հիշեցնող ֆայլեր վերբեռնել։

Գործողությունների ծավալի պատճառով RubyGems-ի ղեկավարությունը ստիպված է եղել չորս օրով դադարեցնել նոր օգտատերերի գրանցումը։ Ըստ WSJ-ի՝ OpenAI-ի ներկայացուցիչը հաստատել է ընկերության գործակալների ներգրավվածությունը միջադեպում։