Սոչիի օդանավակայանում մեկ օրվա ընթացքում երկրորդ անգամ սահմանափակումներ են մտցվել

Սոչիի օդանավակայանում կրկին ժամանակավոր սահմանափակումներ են մտցվել ինքնաթիռների ընդունման և թռիչքների իրականացման համար։ Այս մասին հայտնել է Ռոսավիացիան։

Գերատեսչության տվյալներով՝ սահմանափակումներն անհրաժեշտ են թռիչքների անվտանգությունն ապահովելու համար։ Սա վերջին մեկ օրվա ընթացքում օդանավակայանի աշխատանքի սահմանափակման արդեն երկրորդ դեպքն է։ Սեպտեմբերի 12-ին՝ ժամը 16:00-ի սահմաններում, օդանավակայանը վերսկսել էր բնականոն աշխատանքը։

Ավելի վաղ՝ սեպտեմբերի 9-ի ուշ երեկոյան, Սոչին ենթարկվել էր ուկրաինական ծովային անօդաչուների հարձակման, որի հետևանքով վնասվել էին լողափի ենթակառուցվածքներն ու առափնյա հատվածը, տուժել էր ավելի քան 20 մարդ։