2022 թվականի այս օրը՝ սեպտեմբերի 13-ին, Ադրբեջանը ռազմական ագրեսիա սկսեց Ջերմուկի ուղղությամբ

Չորս տարի առաջ՝ 2022 թվականի սեպտեմբերի 13-ին, Ադրբեջանը լայնածավալ ռազմական ագրեսիա սկսեց Հայաստանի ինքնիշխան տարածքի նկատմամբ։

Սեպտեմբերի 13-ին՝ ժամը 00։05-ից, Ադրբեջանի ԶՈւ ստորաբաժանումները հրետանային միջոցներից և խոշոր տրամաչափի հրաձգային զինատեսակներից ինտենսիվ կրակ բացեցին Գորիսի, Կապանի, Սոթքի, Ջերմուկի, Արտանիշի և Իշխանասարի ուղղությամբ հայկական դիրքերի և բնակավայրերի վրա։

Ադրբեջանական զինուժը կիրառեց նաև անօդաչու թռչող սարքեր, իսկ որոշ ուղղություններով ձեռնարկեց դիրքային առաջխաղացման գործողություններ։

Սեպտեմբերի 13-14-ին ընթացած ռազմական գործողությունների հետևանքով ադրբեջանական ուժերը առաջխաղացում ունեցան Ներքին Հանդի, Ջերմուկի և Վարդենիսի ուղղություններով։

2022 թվականի սեպտեմբերի 13-14-ի ռազմական գործողությունների հետևանքով հայկական կողմի պաշտոնական մարդկային կորուստները կազմեցին 224 զոհ և 293 վիրավոր։ Ավելի քան 20 հայ զինծառայող գերեվարվեց։

Այսօր լրանում է Ջերմուկի և Հայաստանի մի շարք այլ ուղղություններով Ադրբեջանի 2022 թվականի սեպտեմբերյան ռազմական ագրեսիայի 4-րդ տարին։