Revolut-ը խաբեության զոհ է դարձել․ հաճախորդների տվյալները հայտնվել են խարդախների մոտ
Աշխարհ
Revolut-ի հաճախորդների անձնական տվյալները հայտնվել են խարդախների մոտ։ Այս մասին հայտնում է TechCrunch-ը։
Խարդախները Revolut-ին հարցում են ուղարկել պետական կառույցի անունից և հաճախորդների մասին տեղեկություններ պահանջել։ Հարցումն այնքան իրական է թվացել, որ ընկերությունը չի հասկացել՝ գործ ունի խարդախների հետ, և փոխանցել է տվյալները։
Ավելի ուշ Revolut-ը կապվել է պետական կառույցի հետ և պարզել, որ այդ հարցումն իրականում կեղծ է եղել։
Ըստ TechCrunch-ի՝ խարդախները ստացել են որոշ հաճախորդների ծննդյան ամսաթվերը, հասցեները, հեռախոսահամարները, անձը հաստատող փաստաթղթերի պատճենները, ինքնությունը հաստատելու համար արված լուսանկարները, ինչպես նաև հաշիվների և կատարված գործարքների մասին տվյալներ։
Revolut-ը հաստատել է դեպքը՝ նշելով, որ հաճախորդների գումարները չեն տուժել, իսկ ընկերության բանկային համակարգերը չեն կոտրվել։
Ընկերությունը չի հայտնել, թե քանի հաճախորդի տվյալ է փոխանցվել խարդախներին։
Revolut-ը արգելափակել է խարդախների օգտագործած հասցեն և զգուշացրել այն հաճախորդներին, որոնց տվյալները կարող էին հայտնվել նրանց մոտ։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
