Բորիս Ջոնսոնին տեղափոխող Կիև-Վարշավա գնացքը հազիվ է խուսափել ռուսական ավիահարվածից

Այսօր առավոտյան ռուսական անօդաչու թռչող սարքը հարվածել է Ուկրաինայից Լեհաստան ուղևորվող գնացքին: Der Spiegel-ի տվյալներով՝ հարձակումից հազիվ է խուսափել Կիև-Վարշավա մասնավոր գնացքը, որը տեղափոխում էր եվրոպական կառավարությունների անվտանգության խորհրդականների, Բունդեսթագի անդամների, դիվանագետների և գիտնականների:

«Ուկրզալիզնիցան» ավելի վաղ հայտնել էր , որ Ռուսաստանը հարվածել է ուղևորատար գնացքի շոգեքարշին, որը գտնվում էր ուկրաինա-լեհական սահմանից երկու կիլոմետր հեռավորության վրա։

Der Spiegel-ը պարզել է, որ հարձակման վայրի մոտ գտնվող գնացքներից մեկը տեղափոխում էր եվրոպացի քաղաքական գործիչների և դիվանագետների: Նրանք վերադառնում էին Ուկրաինայի իշխանությունների հետ Ռուսաստանի հետ խաղաղության բանակցությունների վերաբերյալ հանդիպումից:

Գնացքում էին Մեծ Բրիտանիայի նախկին վարչապետ Բորիս Ջոնսոնը և Գերմանիայի կանցլերի արտաքին քաղաքականության և անվտանգության հարցերով խորհրդական Գյունտեր Զաուտերը: