Amazon-ը դադարեցրել է համագործակցությունը 21 Air-ի հետ՝ Մայամիում բեռնատար ինքնաթիռի կործանումից հետո

Amazon-ը ժամանակավորապես դադարեցրել է համագործակցությունը 21 Air ավիափոխադրողի հետ, որի շահագործած Amazon Air բեռնատար ինքնաթիռը Մայամիի միջազգային օդանավակայանում վթարի էր ենթարկվել՝ հինգ մարդու մահվան պատճառ դառնալով։ Այս մասին հայտնում է Reuters-ը։

Վթարի ժամանակ 32 տարվա Boeing 767-300 բեռնատար ինքնաթիռը վայրէջքի ընթացքում դուրս էր եկել թռիչքուղու սահմաններից և բախվել գետնին գտնվող մի քանի տրանսպորտային միջոցների։ ԱՄՆ Տրանսպորտի անվտանգության ազգային խորհուրդը (NTSB) հետաքննում է վթարի հանգամանքները։

Թռիչքային տվյալների նախնական ուսումնասիրության համաձայն՝ օդաչուները վայրէջքից հետո քննարկել են այն ընդհատելու հնարավորությունը, իսկ թռիչքուղուն դիպչելուց մեկ րոպե առաջ օդաչուներից մեկը զգուշացրել է, որ ինքնաթիռը չափազանց մեծ արագությամբ է շարժվում։

Amazon-ից հայտնել են, որ կշարունակեն աջակցել հետաքննությանը և վթարից տուժած անձանց ու նրանց ընտանիքներին։