Անվադողերը որքան կդիմանան․ գիտնականները արագ ստուգման նոր մեթոդ են մշակել

Վոլգոգրադի պետական տեխնիկական համալսարանի գիտնականները մշակել են անվադողերի, խտացուցիչների և այլ ռետինե արտադրանքի որակը գնահատելու նոր մեթոդ։ Այն հնարավորություն է տալիս ընդամենը 25–30 րոպեում որոշել նյութի դիմադրողականությունը օզոնի ազդեցության նկատմամբ, հայտնում է «ՌԻԱ Նովոստին»։

Սովորաբար նման փորձարկումները տևում են մի քանի ժամից մինչև մի քանի օր և պահանջում են մեծածավալ սարքավորումներ։ Բացի այդ, ճաքերի առաջացումը հաճախ գնահատվում է տեսողական եղանակով, ինչի պատճառով արդյունքը կարող է սուբյեկտիվ լինել։

Նոր մեթոդի համար ստեղծվել է ՏՈՄ-1000 ավտոմատացված սարքը, որը ձգում է ռետինե նմուշը, այն ենթարկում օզոնի ազդեցությանը և ինքնուրույն գրանցում փոփոխությունները՝ հաշվարկելով օզոնակայունության ցուցանիշը։ Մշակողների խոսքով՝ մեթոդը նախատեսված է ընդհանուր նշանակության ռետինների համար և թույլ կտա արտադրողներին արագացնել որակի վերահսկողությունն ու նվազեցնել փորձարկումների ծախսերը։