Արհեստական բանականության ոլորտի առաջատարները կոչ են արել դանդաղեցնել զարգացումը

Արհեստական բանականության հետ կապված ընկերությունների բաժնետոմսերը երկուշաբթի զգալիորեն նվազել են այն բանից հետո, երբ ԱՄՆ-ի առաջատար AI ընկերությունների ղեկավարները նախազգուշացրել են տեխնոլոգիայի չափազանց արագ զարգացման հնարավոր վտանգների մասին։ Այս մասին հայտնում է Reuters-ը։

Anthropic-ի ղեկավար Դարիո Ամոդեյը կոչ է արել դանդաղեցնել նոր AI մոդելների հնարավորությունների զարգացումը՝ անվտանգության աճող ռիսկերի պատճառով։ Նրա դիրքորոշմանը համաձայնել են նաև xAI-ի ղեկավար Իլոն Մասկը և OpenAI-ի գործադիր տնօրեն Սեմ Ալթմանը։ Ամոդեյի գնահատմամբ՝ առաջիկա 6–12 ամիսներին AI գործակալների հնարավորությունները կարող են այնքան մեծանալ, որ դրանց չարաշահումը հարյուրավոր միլիարդավոր դոլարների վնաս պատճառի։

Հայտարարություններից հետո Ճապոնիայում SoftBank-ի բաժնետոմսերը մի պահ էժանացել են ավելի քան 13%-ով, Kioxia-ինը՝ 9,8%-ով։ Անկում է գրանցվել նաև TSMC-ի, SK Hynix-ի, Samsung Electronics-ի և AI ու կիսահաղորդիչների ոլորտի մի շարք չինական ընկերությունների բաժնետոմսերի գներում։ Միաժամանակ Ալթմանը հայտարարել է, որ OpenAI-ն այս տարի չի իրականացնի բաժնետոմսերի առաջնային հրապարակային առաջարկ (IPO)՝ որպես պատճառ նշելով նաև AI-ի անվտանգության հետ կապված մտահոգությունները։