Սյունիքի Ծավ գյուղի ջրում սնդիկի թույլատրելի չափշը գերազանցող ցուցանիշ է հայտնաբերվել․ բնակիչներին հորդորում են չօգտագործել ջուրը
Հասարակություն
Առողջապահության նախարարության փոխանցմամբ՝ Սյունիքի մարզի Ծավ գյուղի բնակիչներից մեկը ահազանգել է, որ իր բնակարանի ծորակի ջրում մետաղական զանգված է նկատել։
Սյունիքի մասնաճյուղի մասնագետները ջրի նմուշ են վերցրել, որի լաբորատոր հետազոտությամբ արձանագրվել է սնդիկի թույլատրելի առավելագույն կոնցենտրացիայի գերազանցում։
Հաշվի առնելով ցուցանիշի բարձր մակարդակը՝ կրկնակի նմուշառում է իրականացվել չորս կետից՝ այդ թվում ջրամատակարարման աղբյուրից և բնակիչների ծորակներից։ Սեպտեմբերի 11-ին ստացված արդյունքներով կրկին արձանագրվել են նույն ցուցանիշները։
Մինչև ջրի որակի վերականգնումը Ծավի բնակիչներին հորդորում են չօգտագործել այն խմելու և կենցաղային նպատակներով։ Առողջական ախտանշաններ բնակիչների շրջանում չեն արձանագրվել, սակայն մասնագետները կանխարգելիչ միջոցառումների շրջանակում կիրականացնեն տնային այցելություններ։
Իրավասու մարմիններն իրազեկվել են խնդրի մասին։ Մինչև իրավիճակի կարգավորումը նախատեսվում է բնակիչներին ապահովել անվտանգ ջրով, միաժամանակ միջոցներ են ձեռնարկվում ջրի աղտոտման պատճառը պարզելու ուղղությամբ։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
