Բենզինի գները բարձրացել են մինչև 40%-ով․ զանգվածային ցույցեր են իրականացվում

Սեպտեմբերի 13-14-ին Սիրիայի մի շարք շրջաններում բենզինի և այլ վառելիքի գների բարձրացումից հետո զանգվածային բողոքի ակցիաներ են սկսվել։ Ցուցարարները փակել են ճանապարհներ, որոշ վայրերում այրել են անվադողեր և պահանջել չեղարկել թանկացումը։

Ըստ հրապարակումների՝ վառելիքի գները բարձրացել են մոտ 25-40 տոկոսով։ Բողոքի ակցիաներ են եղել, մասնավորապես, Հալեպի, Հասաքեի, Ռաքքայի և Դեյր Զորի շրջաններում։

Սիրիայի իշխանությունները հայտարարել են, որ թանկացումը կապված է նավթամթերքի համաշխարհային գների աճի և Բանիասի նավթավերամշակման գործարանի երկամսյա վերանորոգման հետ, և այն կարող է ժամանակավոր լինել։