Մասկը հայտարարել է, որ SpaceX-ը տիեզերք կուղարկի արհեստական բանականության սուպերհամակարգիչներ

SpaceX-ը 2027 թվականին նախատեսում է ուղեծիր դուրս բերել NVIDIA-ի արհեստական բանականության համար նախատեսված Vera Rubin NVL72 սուպերհամակարգիչները։ Այս մասին X սոցիալական ցանցում հայտարարել է ընկերության հիմնադիր Իլոն Մասկը։

«Գրեթե չեմ կասկածում, որ հաջորդ տարի SpaceX-ը տիեզերք կուղարկի NVIDIA VR NVL72 AI համակարգիչներ»,- գրել է Մասկը։

Ավելի վաղ լրատվամիջոցները հայտնել էին, որ Մասկը նախատեսում է նոր սերնդի արբանյակներ ուղեծիր դուրս բերել, որոնք կգործեն որպես տիեզերական տվյալների մշակման կենտրոններ։