Անկախության 35-ամյակին նվիրված տոնական միջոցառումների ցանկը

ՀՀ Կառավարությունը ներկայացնում է Անկախության 35-ամյակին նվիրված տոնական միջոցառումներ Հայաստանի 4 մարզում և Երևանում:

Սեպտեմբերի 17

Իջևանի Շատրվանների հրապարակ

Ելույթ կունենա Հայաստանի պետական ջազ նվագախումբը՝ սիրված արտիստների մասնակցությամբ։ Համերգը կղեկավարի Դավիթ Մելքոնյանը։

Սեպտեմբերի 18

Վանաձորի Հայքի հրապարակ

Հայաստանի պետական սիմֆոնիկ նվագախմբի կատարմամբ կհնչեն արդեն սիրված և ճանաչված «Սիմֆոնիկ ռոք» և «Սիմֆոնիկ ֆոլկ» ծրագրերը։ Համերգը կղեկավարի Ջանլուկա Մարչիանոն։

Սեպտեմբերի 19

Կապանի Գարեգին Նժդեհի հրապարակ

Տոնական տրամադրությունը կապահովեն Հայաստանի լավագույն բենդերը։

Սեպտեմբերի 20

Գյումրու թատերական հրապարակ

Ելույթ կունենա Հայաստանի ազգային ֆիլհարմոնիկ նվագախումբը՝ հանրապետության լավագույն կատարողների մասնակցությամբ։Համերգը կղեկավարի Էդուարդ Թոփչյանը։

Բոլոր մարզային համերգների սկիզբը՝ 19:30:

Գլխավոր համերգը տեղի կունենա սեպտեմբերի 21-ին՝ ժամը 20:00-ին, Հանրապետության հրապարակում: Ելույթ կունենան Հայաստանի պետական սիմֆոնիկ նվագախումբը, Հովհաննես Չեքիջյանի անվան Հայաստանի ազգային ակադեմիական երգչախումբը, «Կարեն Սևակ» բենդը և այլ սիրված արտիստներ. դիրիժոր` Սերգեյ Սմբատյան: