Հիմա պատրաստ եղեք. Պուտին հայտարարությունից հետո ԵՄ-ում գազի գինը հասել է 1000 դոլարի

Կիպրոսցի լրագրող Ալեքս Խրիստոֆորուն խիստ է համարել Ռուսաստանի նախագահ Վլադիմիր Պուտինի հայտարարությունը գազի գնի վերաբերյալ: «Սա բավականին կոշտ հայտարարություն է նրա կողմից, բայց նա ճիշտ է: ԵՄ-ն մշտապես պահանջում էր իջեցնել արժեքը, ամենատարբեր սահմանափակումներն էր մտցնում Եվրոպա մատակարարվող գազի նկատմամբ, մի խոսքով՝ լուրջ ճնշում էր գործադրում Ռուսաստանի վրա: Պուտինն ասում է. «Դուք հասաք նրան, ինչ ուզում էիք: Մշտապես դժգոհություն էիք հայտնում և ուզում էիք հրաժարվել ռուսական գազից, պատժամիջոցներ սահմանեցիք մեր դեմ: Դե ինչ, հիմա պատրաստ եղեք 150-ի փոխարեն 1500 դոլար վճարել», — ասել է նա իր YouTube-յան ալիքի եթերում:

Երկուշաբթի օրը հրապարակված Լոնդոնի ICE բորսայի տվյալների համաձայն՝ Եվրոպայում գազի բորսայական գները արագացնում են աճը՝ հասնելով մինչև հինգ տոկոսի՝ 2022 թվականի դեկտեմբերի 22-ից ի վեր առաջին անգամ գերազանցելով 1000 դոլարը հազար խորանարդ մետրի դիմաց:

Ուրբաթ օրը Պուտինը, Հնդկաստանում ԲՐԻԿՍ-ի գագաթնաժողովի շրջանակում պատասխանելով զանգվածային լրատվամիջոցների հարցերին, հիշեցրել է, թե ինչպես էին եվրոպացիներն իրենց ժամանակին բողոքում հազար խորանարդ մետրի դիմաց 150-180 դոլար գազի գներից և ցանկանում, որ գնագոյացումը տեղի ունենա բորսայում: Արդյունքում, երբ նրանց ցանկությունը կատարվեց, նրանք ստիպված են նույն ծավալի համար արդեն հազարական դոլար և ավելի վճարել, նշել է նախագահը և հավելել. «Դե, խնդրեմ, վայելեք»: Արտասահմանյան երկրների հետ ներդրումային-տնտեսական համագործակցության հարցերով Ռուսաստանի նախագահի հատուկ ներկայացուցիչ Կիրիլ Դմիտրիևը նշում էր, որ Եվրոպական միությունում գազի գները 12 անգամ բարձր են ամերիկյանից և շարունակելու են աճել: