Գանձասարի վիճահարույց այցից հետո Գրոնոն Մատենադարանում ծանոթացել է հայկական ձեռագրերին

Գանձասար այցելած ԵՄ հատուկ ներկայացուցիչ Մագդալենա Գրոնոն այցելել է Երևանի «Մատենադարան»՝ ծանոթանալու հայկական ձեռագրերի հարուստ հավաքածուին և դրանց պատմությանը։

Հիշեցնենք՝ Գրոնոն այն պատվիրակության կազմում էր, որն Ադրբեջանի նախագահի օգնական Հիքմեթ Հաջիևի հետ այցելել էր Գանձասար։ Այցի ընթացքում Հաջիևը հայկական մշակութային ժառանգությունը ներկայացրել էր որպես «աղվանական»՝ ցուցադրելով գրքերի դատարկ էջերը։ Դրվագին ներկա պաշտոնյաների արձագանքը ծիծաղն էր։