Կլիչկոյի նախկին հարսնացուի մահվան հնարավոր պատճառը թմրանյութերն են. TMZ

Ուկրաինացի բռնցքամարտիկ Վլադիմիր Կլիչկոյի նախկին հարսնացուի՝ ամերիկացի դերասանուհի Հայդեն Պանետյերիի մահվան պատճառը կարող էր լինել թմրանյութերի օգտագործումը։ Այս մասին հայտնում է TMZ-ն՝ հղում անելով իրավապահ համակարգի իր աղբյուրներին։

Ըստ հրապարակման՝ մահվան օրը Պանետյերին ընդունել է մեկ հաբ, որը, ենթադրաբար, եղել է ֆենտանիլով խառնված օքսիկոդոն։ Նշվում է, որ սա առայժմ քննության աշխատանքային վարկածն է, քանի որ թունաբանական փորձաքննության վերջնական արդյունքները դեռ չեն ստացվել։ Մահվան հանգամանքների քննությանը միացել է նաև ԱՄՆ Թմրամիջոցների դեմ պայքարի վարչությունը (DEA)։

Պանետյերին մահացել է օգոստոսի 17-ին՝ 36 տարեկանում։ Նա նախկինում հարաբերությունների մեջ է եղել աշխարհի նախկին չեմպիոն Վլադիմիր Կլիչկոյի հետ։ Զույգը դուստր ունի՝ Կայա-Եվդոկիա Կլիչկոն։