ԱՄՆ-ն հստակ առաջարկ ունի․ Զելենսկին՝ ՌԴ–ի հետ փոխադարձ հարվածների դադարեցման մասին

Ուկրաինայի նախագահ Վլադիմիր Զելենսկին հայտարարել է, որ Միացյալ Նահանգները հստակ առաջարկ ունի փոխադարձաբար դադարեցնել կարևորագույն ենթակառուցվածքների վրա հարձակումները։

«Միացյալ Նահանգները հստակ առաջարկ ունի փոխադարձաբար դադարեցնել կարևորագույն ենթակառուցվածքների վրա հարձակումները։ Եվ եթե սա կարող է լինել լարվածության թուլացման առաջին քայլը՝ մեր կարևորագույն ենթակառուցվածքների վրա ռուսական հարվածների և մեր պատասխան հարվածների դադարեցման քայլ, ապա Ուկրաինան պատրաստ է աջակցել լարվածության թուլացմանը։

Մենք տեսնում ենք, որ ռուսները ճնշում են զգում ռուսական ռազմական տնտեսության վրա մեր ճշգրիտ հարվածների պատճառով։ Եվ մինչ օրս ոչ ոք չի տեսել Ռուսաստանի իրական ցանկությունը՝ դադարեցնել պատերազմը։ Բայց եթե մեր ամերիկացի գործընկերները կարողանան ապահովել Ռուսաստանի իրական պատրաստակամությունը՝ դադարեցնելու այս կործանարար պատերազմը և դա անելու արդար և երկարաժամկետ հիմունքներով, Ուկրաինան կձեռնարկի իր սեփական քայլերը լարվածության թուլացման ուղղությամբ»,-նշել է նա։