Գերմանիայում առաջարկել են Մերկելին և Շրյոդերին ներգրավել Ռուսաստանի հետ բանակցություններում

Գերմանիայի նախկին կանցլերներ Անգելա Մերկելը և Գերհարդ Շրյոդերը կարող են միջնորդի դեր ստանձնել Ռուսաստանի հետ բանակցություններում՝ Ուկրաինայի հակամարտության կարգավորման նպատակով։ Նման առաջարկով հանդես է եկել «Սառա Վագենկնեխտի միություն՝ հանուն բանականության և արդարության» կուսակցության հիմնադիր Սառա Վագենկնեխտը, հայտնում է ՌԻԱ Նովոստին։

Վագենկնեխտի խոսքով՝ երկու նախկին կանցլերներն էլ ունեն բավարար քաղաքական հեղինակություն Մոսկվայի հետ երկխոսությունը վերսկսելու համար։ Նրա կարծիքով՝ դա կարող է նպաստել էսկալացիայի դադարեցմանը և Ուկրաինայում խաղաղության հաստատմանը։

Վագենկնեխտը նաև նշել է, որ Մերկելի և Շրյոդերի թեկնածությունները որպես հնարավոր միջնորդներ կարող է առաջադրել Մեկլենբուրգ-Առաջավոր Պոմերանիայի նոր վարչապետը՝ երկրամասում կայանալիք ընտրություններից հետո։