Ծավ բնակավայրում ջրում հայտնաբերված սնդիկի պատճառով տուժածներ կա՞ն, թե ոչ. Նախարարը մանրամասնում է

Սյունիքի մարզի Ծավ բնակավայրի ջրում սնդիկի հայտնաբերումից հետո տուժածներ չկան։ Այս մասին Հանրային հեռուստաընկերությանը տված հարցազրույցում հայտնել է առողջապահության նախարար Անահիտ Ավանեսյանը։

«Որևէ տուժած չունենք։ Մենք չենք սպասել, որ քաղաքացիները դիմեն, արտագնա բժշկական թիմ է մեկնել, տեղում բնակիչների հետ ենք խոսել, գանգատներն ենք լսել։ Փաստել ենք, որ ախտանշաններով որևէ քաղաքացի չունենք»,- ասել է նախարարը։

Ավանեսյանի խոսքով՝ համայնքն այս ընթացքում բնակիչներին ապահովում է խմելու և կենցաղային ջրով։

Նախարարը նշել է, որ այդ կարգավորումը կպահպանվի մինչև հաջորդ փորձաքննությունների և ջրի մաքրման աշխատանքների ավարտը։