33-ամյա վարորդը տրակտորով կողաշրջվել է, կա վիրավոր

Սեպտեմբերի 15-ին արտակարգ դեպք է տեղի ունեցել Գեղարքունիքի մարզի Սարալանջ բնակավայրում. փոխանցում է shamshyan.com-ը։

Ժամը 15։40-ի սահմաններում 33-ամյա Մհեր Գ․-ն գյուղատնտեսական աշխատանքներ կատարելիս վարած «Բելառուս» մակնիշի տրակտորով կորցրել է կառավարումը, ինչի հետևանքով մեքենան կողաշրջվել է։

Վթարի հետևանքով վարորդը մարմնական վնասվածքներով տեղափոխվել է «Ճամբարակ» բժշկական կենտրոն։

Դեպքի առթիվ Սևանի քննչական բաժնում նախաձեռնվել է քրեական վարույթ։