«Կալասը եվրոպացիներին անհեթեթ վիճակի մեջ է դնում». Զախարովա

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալասի հայտարարությունները, իր գնահատմամբ, եվրոպացիներին «անհեթեթ վիճակի մեջ են դնում»։

Զախարովայի խոսքով՝ Կալասը բացասական վերաբերմունք է առաջացնում այն մարդկանց շրջանում, որոնց համար կարևոր է Արևմտյան Եվրոպայի ապագան։ Նա պնդել է, որ դիվանագիտության, քաղաքագիտության, միջազգային հարաբերությունների և բիզնեսի ոլորտների մասնագետները մտահոգությամբ են հետևում Կալասի հրապարակային հայտարարություններին։

«Նրանք հասկանում են, որ իրենց պարտադրված այս անձը խոսելու է իրենց անունից, բացարձակ անհեթեթություններ է ասելու և նրանց դնելու է ապուշ վիճակի մեջ»,- ասել է Զախարովան։