Հայաստանում ջերմաստիճանը կնվազի 5-7 աստիճանով

Սեպտեմբերի 16-ին Երևանում սպասվում է առանց տեղումների եղանակ։ Հանրապետության առանձին շրջաններում կեսօրից հետո հնարավոր են կարճատև անձրև և ամպրոպ։

Ամպրոպի ժամանակ քամու ուժգնությունը կարող է հասնել 17-20 մ/վրկ-ի։ Սեպտեմբերի 16-ին օդի ջերմաստիճանը էապես չի փոխվի։

Սակայն սեպտեմբերի 18-19-ին հանրապետությունում կարձանագրվի ջերմաստիճանի աստիճանական նվազում՝ 5-7 աստիճանով։

Մի շարք տարածաշրջաններում, այդ թվում՝ Արարատյան դաշտում և Երևանում, պահպանվում է բարձր կարգի հրդեհավտանգ իրավիճակ։