Մարդանման ռոբոտները առաջիկա 3-5 տարում կարող են հայտնվել մարդկանց տներում

Առաջիկա երեքից հինգ տարվա ընթացքում Ռուսաստանում մարդանման ռոբոտները կարող են օգտագործվել որպես տնային օգնականներ։ Այս մասին РИА Новости-ին հայտնել է «АТМ Альянс» ընկերության ներկայացուցիչ Իվան Դուբովիցկին։

Նրա խոսքով՝ ներկայում ակտիվորեն փորձարկվում են տարբեր մարդանման ռոբոտներ։ Տյումենում անցկացվող TNF արդյունաբերական-էներգետիկ համաժողովում, օրինակ, ներկայացվել են Գարիկ և Պլատոն անուններով երկու ռոբոտներ, որոնք շփվում են այցելուների հետ և տեղեկություններ տրամադրում ցուցադրությունների մասին։

Ռոբոտների զանգվածային կիրառման հիմնական խոչընդոտն առայժմ անվտանգությունն է․ անհրաժեշտ է ավելի հուսալի և փորձարկված ծրագրային ապահովում։ Ապագայում նախատեսվում է, որ ռոբոտների համար հնարավոր կլինի առանձին գործառույթներ ձեռք բերել՝ ինչպես հավելվածները․ դրանք կարող են աշխատել որպես տնային օգնական, ինչպես նաև կիրառվել արտադրությունում կամ պահեստներում։