Դաստակի ջերմաստիճանը կարող է հուշել նյութափոխանակության խանգարումների վտանգի մասին․ գիտնականներ

Դաստակի ջերմաստիճանի օրական տատանումների միջոցով հնարավոր է գնահատել նյութափոխանակության խանգարումների և ավելորդ քաշի զարգացման հավանականությունը։ Այս մասին հայտնում է ՌԻԱ Նովոստին՝ հղում անելով Տյումենի բժշկական համալսարանի գիտնականների մասնակցությամբ իրականացված հետազոտությանը։

Հետազոտողները պարզել են, որ առողջ մարդկանց մարմնի ջերմաստիճանը օրվա ընթացքում սովորաբար տատանվում է 1–2°C-ի սահմաններում։ Եթե դաստակի ջերմաստիճանի օրական տատանումը փոքր է՝ 1°C-ից պակաս, ապա նյութափոխանակության հետ կապված որոշ շեղումներ ավելի հաճախ են հանդիպում։ Մասնավորապես, նման մարդկանց մոտ առավոտյան լեպտինի բարձր մակարդակ գրանցվել է մոտ չորս անգամ ավելի հաճախ, քան նրանց մոտ, ում ջերմաստիճանի տատանումը գերազանցել է 1,5°C-ը։

Լեպտինը ճարպային հյուսվածքի արտադրած հորմոն է, որը մասնակցում է ախորժակի և էներգետիկ հավասարակշռության կարգավորմանը։ Գիտնականները նշում են, որ ստացված տվյալները կարող են կիրառվել նյութափոխանակության խանգարումների և ճարպակալման ռիսկը գնահատելու համար, սակայն խոսքը ռիսկի գնահատման, ոչ թե միայն դաստակի ջերմաստիճանով ախտորոշում կատարելու մասին է։