Եվրոպական հանձնաժողովը կառաջարկի օրենք, որը կարգելի 13 տարեկանից փոքր երեխաների մուտքը սոցիալական ցանցեր

Եվրոպական հանձնաժողովը (ԵՀ) սեպտեմբերի 17-ին կառաջարկի «Երեխաների մասին» նոր օրենք, որը կարգելի 13 տարեկանից փոքր երեխաներին մուտք գործել սոցիալական ցանցեր, հայտարարել է ԵՀ նախագահ Ուրսուլա ֆոն դեր Լայենը։

«Եվրոպական հանձնաժողովը վաղը կառաջարկի «Երեխաների մասին» նոր օրենք։ Մենք կորդեգրենք տարբերակված մոտեցում։ 13 տարեկանից փոքր երեխաների համար ոչ մի սոցիալական ցանց», - ասել է նա Եվրախորհրդարանում ունեցած իր ելույթում։

Ֆոն դեր Լայենը հավելել է, որ 13-15 տարեկան դեռահասները կկարողանան օգտվել սոցիալական ցանցերից, բայց առանց անձնական հաշիվների, ինչը նշանակում է, որ միայն ծնողները կարող են կառավարել դրանք։ 15-18 տարեկան դեռահասները կկարողանան ազատորեն ստեղծել իրենց սեփական հաշիվները, բայց հարթակները պետք է «ապացուցեն, որ անվտանգ են»։