Վան Ի. Իրանի և ԱՄՆ-ի միջև ռազմական գործողությունները հակասում են բոլորի շահերին

Իրանի և Միացյալ Նահանգների միջև շարունակվող թշնամական գործողությունները հակասում են ընդհանուր շահերին, հայտարարել է Չինաստանի արտաքին գործերի նախարար Վան Ին։

«Միացյալ Նահանգների և Իրանի միջև շարունակվող թշնամական գործողությունները հակասում են ինչպես ներգրավված կողմերի, այնպես էլ միջազգային հանրության ընդհանուր շահերին։

Մենք կոչ ենք անում Իրանին և Միացյալ Նահանգներին ցուցաբերել ողջամտություն և զսպվածություն, հնարավորինս շուտ վերադառնալ Իսլամաբադում ստորագրված փոխըմբռնման հուշագրի իրականացմանը, վերականգնել բանակցային մեխանիզմը՝ հիմնվելով մինչ օրս ձեռք բերված կոնսենսուսի վրա, և անցկացնել իմաստալից խորհրդակցություններ երկու կողմերին էլ հուզող հարցերի շուրջ», - Չինաստանի կենտրոնական հեռուստատեսությունը մեջբերել է Վանի խոսքերը Պեկինում իր իրանցի գործընկեր Աբբաս Արաղչիի հետ հանդիպումից հետո։