Ղազախստանն ու «Գազպրոմը» պայմանավորվել են գազի մատակարարումների շուրջ

Ղազախստանն ու «Գազպրոմը» լրացում են ստորագրել գազի մատակարարման գործող պայմանագրին։ Այս մասին ՌԻԱ Նովոստիին հայտնել է Ղազախստանի էներգետիկայի փոխնախարար Կայրխան Տուտկիշբաևը։

Նրա խոսքով՝ մինչև տարեվերջ կողմերը նախատեսում են քննարկել արդեն երկարաժամկետ պայմանագրի կնքումը։

Տուտկիշբաևը նաև ընդգծել է, որ Ղազախստանի և Ռուսաստանի միջև գազի ոլորտում խնդիրներ չկան՝ Ռուսաստանին անվանելով երկրի ռազմավարական գործընկեր։