Կրեմլն արձագանքել է ԱՄՆ-ի՝ ռուսական հետախուզության համար աշխատած անձանց մասին հայտարարությանը

Կրեմլում չեն տեսել համոզիչ ապացույցներ, որոնք կհաստատեին ԱՄՆ իշխանությունների հայտարարությունները ռուսական հետախուզության համար ենթադրաբար աշխատած հինգ անձանց բացահայտման մասին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստին։

Ավելի վաղ ԱՄՆ արդարադատության նախարարությունը գաղտնազերծել էր հինգ անձանց դեմ ներկայացված մեղադրանքները՝ պնդելով, որ նրանք աշխատել են ռուսական հետախուզական ծառայությունների համար։

«Քանի դեռ չենք լսել և չենք տեսել որևէ համոզիչ ապացույց կամ շոշափելի փաստարկ, անհրաժեշտ չենք համարում մեկնաբանել այդ լուրերը», — ասել է Պեսկովը։