Ինչպես ճիշտ գովել շանը․ կինոլոգը նշել է կարևոր կանոնները

Շները մարդկային խոսքն ամբողջությամբ չեն հասկանում՝ բացառությամբ որոշ բառերի, սակայն շատ լավ ընկալում են մարդու հույզերն ու տրամադրությունը։ Այդ պատճառով ճիշտ պահին արտահայտված գովասանքը կարող է ավելի ազդեցիկ լինել, քան ցանկացած խոսք։ Այս մասին РИАМО-ին պատմել է Ռուսաստանի կինոլոգիական ֆեդերացիայի նախագահ Վլադիմիր Գոլուբևը։

Մասնագետի խոսքով՝ գովասանքը շան հետ հաղորդակցվելու և վարժեցնելու կարևոր գործիք է։ Կարելի է ընտրել հատուկ ազդանշանային բառ, օրինակ՝ «Այո՛», այն արտասանել ուրախ տոնով, ապա մի քանի վայրկյան անց կենդանուն հյուրասիրել կամ շոյել։ Կարևոր է դա անել հենց ճիշտ գործողությունից անմիջապես հետո, որպեսզի շունը հասկանա՝ ինչի համար է խրախուսվում։

Գոլուբևը նաև խորհուրդ է տալիս գովել նույնիսկ փոքր հաջողությունների համար, սակայն չափից շատ չօգտագործել ընտրված ազդանշանային բառը, որպեսզի այն չկորցնի իր նշանակությունը։ Նրա խոսքով՝ կարևոր են նաև ձայնի տոնն ու ճիշտ պահը։