Խանջյան փողոցում նորոգման աշխատանքներ են․ վարորդներին խնդրում են չկայանել նշված հատվածում

Երևանի քաղաքապետարանը վարորդներին խնդրում է սեպտեմբերի 16-ին՝ ժամը 21։00-ից մինչև սեպտեմբերի 17-ի 07։00-ն, մեքենաներ չկայանել Տիգրան Մեծի պողոտայի աջ հատվածից մինչև Սայաթ-Նովայի պողոտայի խաչմերուկ ընկած հատվածում։

Պատճառը Կենտրոն վարչական շրջանի Խանջյան փողոցում իրականացվող միջին նորոգման աշխատանքներն են։

Քաղաքապետարանը քաղաքացիներին հորդորում է պահպանել սահմանափակումը՝ աշխատանքները չխոչընդոտելու համար։