Ճապոնիայում 100 տարեկանից բարձր բնակիչների թիվը ռեկորդային է՝ ավելի քան 107 հազար

Ճապոնիայում 100 և ավելի տարեկան բնակիչների թիվն առաջին անգամ գերազանցել է 100 հազարը։ Առողջապահության, աշխատանքի և սոցիալական հարցերի նախարարության տվյալներով՝ երկրում այժմ ապրում է 107 677 երկարակյաց։

Նրանցից 94 298-ը կանայք են, իսկ 13 379-ը՝ տղամարդիկ։ Երկու ցուցանիշներն էլ պատմական առավելագույնն են։

Ճապոնիայի ամենատարեց բնակիչը Կիոտոյից 114-ամյա Ֆույու Կիշիմոտոն է, իսկ ամենատարեց տղամարդը՝ Կումամոտոյից 112-ամյա Հիկարու Կատոն։

100 տարեկանից բարձր բնակիչների թիվը Ճապոնիայում աճում է արդեն տասնամյակներ շարունակ։ 1963 թվականին երկրում հաշվառված էր ընդամենը 153 նման բնակիչ, 2025-ին նրանց թիվը հասել էր 99 763-ի, իսկ այժմ անցել է 107 հազարը։