Ո՞վ էր այն աշխարհահռչակ սուպերմոդելը, որը մասնակցեց «Հայաստանի օրերը Մոնակոյում» միջոցառման DAMIRAH ոսկերչական բրենդի շնորհանդեսին

 

 

Սեպտեմբերի 3-ին և 4-ին Մոնակոյում անցկացվեցին «Հայաստանի օրերը Մոնակոյում» միջոցառումները՝ ներկայացնելով հայկական մշակույթը, ոսկերչական ժառանգությունը, ժամանակակից բրենդներն ու Հայաստանի ներդրումային հնարավորությունները միջազգային բարձրակարգ լսարանին։

 

Միջոցառման առանցքային հատվածներից մեկը սեպտեմբերի 3-ին Hôtel Métropole Monte-Carlo-ում կայացած հայկական ոսկերչական արվեստին նվիրված բացառիկ միջոցառումն էր։ Հյուրերին ներկայացվեց հայկական ոսկերչության պատմական ժառանգությունն ու ժամանակակից ստեղծագործությունը, իսկ հատուկ շնորհանդեսով ներկայացվեց հայկական DAMIRAH ոսկերչական բրենդի հավաքածուն։ Միջոցառման հատուկ հյուրն էր աշխարհահռչակ մոդել Վիկտորիա Սիլվշտեդը : 

 

Աշխարհահռչակ սուպերմոդել Վիկտորիա Սիլվշտեդը, որն ունի շուրջ 1.4 միլիոն հետևորդ Instagram-ում, տասնամյակներ շարունակ միջազգային նորաձևության և շոու-բիզնեսի ճանաչված դեմքերից է։

 

Միջոցառման ընթացքում ներկայացվեց նաև «Armenian Goldsmith» եռահատոր գիրքը՝ նվիրված հայկական ոսկերչության բազմադարյա պատմությանը և ոսկերչական արվեստի ժառանգությանը, որից մեկ օրինակ Վրույր Փենեսյանի կողմից փոխանցվեց Մոնակոյի իշխան Ալբեր II-ին ։ Երեկոն ուղեկցվեց հայկական դուդուկի և դաշնամուրի կենդանի երաժշտության կատարումներով, ինչպես նաև հայկական OHANYAN կոնյակի, Altera wines գինիների , Abrikon բրենդիի և ARARAT ջրերի հյուրասիրությամբ։

Khakhamyan Heritage կառուցապատող ընկերությունը միջոցառմանը ներկայացրեց Amanoo բնակելի թաղամասը՝ որպես բնության, ճարտարապետության և մտածված կենսակերպի ներդաշնակությամբ ձևավորվող համայնք։ Amanoo-ի ներկայությունը հնարավորություն էր միջազգային հարթակում ներկայացնելու Հայաստանում ձևավորվող նոր բնակելի մշակույթն ու մնայուն արժեքների գաղափարը։

Ցուցահանդեսի ֆինանսաբանկային գործընկեր IDBank-ը տեղում հյուրերին ներկայացրեց նորարար և ժամանակակից գործիքակազմ, ինչպես նաև արտերկրում բնակվող մեր հայրենակիցների համար Պրեմիում բանկային ծառայությունների և գործարքներ իրականացնելու հնարավորությունները ։ 

 

Նույն օրը Մոնակոյի Մայր տաճարում տեղի ունեցավ բարեգործական համերգ՝ միջազգային ճանաչում ունեցող հայ երաժիշտների մասնակցությամբ։ Բեմում հանդես եկան Ֆրանկֆուրտի օպերայի սոպրանո Անի Յորենց Սարգսյանը, աշխարհահռչակ դաշնակահարուհի Նարե Արղամանյանը և դուդուկահար Լևոն Չատիկյանը։

 

Սեպտեմբերի 4-ին «Հայաստանի օրերի» ուշադրության կենտրոնում Հայաստանի տնտեսական և ներդրումային ներուժն էր։ Ընտրված հյուրերի համար կազմակերպված փակ երեկոյի ընթացքում Freedom Broker Armenia-ի կողմից ներկայացվեցին Հայաստանում ներդրումներ կատարելու, բիզնես կապեր ստեղծելու և երկիրը որպես ապրելու ու ներդրում կատարելու ուղղություն դիտարկելու հնարավորությունները։

 

«Հայաստանի օրերը Մոնակոյում» նախաձեռնությունը յուրաքանչյուր տարի միավորում է հայկական մշակույթը և Հայաստանի տնտեսական ներուժը՝ դրանք ներկայացնելով միջազգային բարձրակարգ լսարանին։

 

Նախաձեռնության հեղինակը և կազմակերպիչը Հայաստանի արդյունաբերողների և գործարարների միության նախագահության անդամ Վրույր Փենեսյանն է, որի նախաձեռնությամբ Հայաստանի և Մոնակոյի միջև նմանատիպ միջոցառումներ անցկացվում են 2018 թվականից։

 

«Հատկանշական է, որ «Հայաստանի օրերը Մոնակոյում» միջոցառումն իր տեղեկատվական գործընկերների շարքում ունեցել է Lurer.com, EuroMedia24 լրատվական հարթակները, որոնց հայտնում ենք մեր երախտագիտությունը նախաձեռնության լուսաբանման և աջակցության համար»։