ՌԴ ՊՆ-ն հայտնել է մեկ օրում 68 ուկրաինական ԱԹՍ խոցելու մասին

Ռուսաստանի հակաօդային պաշտպանության ուժերը սեպտեմբերի 16-ին՝ Մոսկվայի ժամանակով ժամը 08:00-ից մինչև 20:00-ն ընկած ժամանակահատվածում, որսացել և ոչնչացրել են ինքնաթիռային տիպի 68 ուկրաինական անօդաչու թռչող սարք։ Այս մասին հայտնել է ՌԴ պաշտպանության նախարարությունը։

Գերատեսչության տվյալներով՝ ԱԹՍ-ները խոցվել են Բրյանսկի, Բելգորոդի, Կուրսկի, Կալուգայի և Ռոստովի մարզերի, Կրասնոդարի երկրամասի, Մոսկվայի տարածաշրջանի և Ղրիմի տարածքների, ինչպես նաև Սև ծովի ջրատարածքի երկնքում։