Հովիկ Աբրահամյանի որդու ճակատագիրը որոշող դատավորը ի՞նչ ունեցվածք ունի․ «Ժողովուրդ»

Արգամ Աբրահամյանի գործով որոշում կայացնող Վերաքննիչ քրեական դատարանի դատավոր Սևակ Համբարձումյանի հայտարարագրերը ուշագրավ տվյալներ են պարունակում։

«Ժողովուրդ» օրաթերթի ուսումնասիրության համաձայն՝ 2021-2025 թվականներին դատավորի սեփականության մեջ պահպանվել է 5 անշարժ գույք։ 2025 թվականի հայտարարագրում նշված է նաև 2018 թվականի արտադրության Jaguar ավտոմեքենա, որը նա ձեռք է բերել 2024 թվականին։

2025 թվականին Համբարձումյանի եկամուտը կազմել է 18 մլն 581 հազար 244 դրամ։ Տարվա վերջին նրա բանկային հաշիվների մնացորդը կազմել է 4 մլն 333 հազար 852 դրամ, իսկ կանխիկ միջոցները՝ 31 մլն 700 հազար դրամ։

Այսպիսով, 2025 թվականի տարեվերջին դատավորի բանկային և կանխիկ դրամական միջոցները միասին կազմել են ավելի քան 36 մլն դրամ։

Հիշեցնենք՝ Սևակ Համբարձումյանը Արգամ Աբրահամյանի նկատմամբ կիրառված խափանման միջոցը փոխելու հարցով որոշում պետք է կայացնի։