Սկսվեց ընտրողին կաշառելու սեզոնը. «Հրապարակ»

Նոյեմբերի 29-ին Լոռու մարզի Սպիտակ համայնքում ևս ՏԻՄ ընտրություններ են անցկացվելու։ ՔՊ-ի թեկնածուն գործող համայնքապետ Քաջայր Նիկողոսյանն է։

«Հրապարակ»-ի փոխանցմամբ՝ ընտրություններից առաջ Սպիտակում մի շարք սոցիալական ծրագրեր են իրականացվել։ Օգոստոսի 1-ից համայնքի մեկ քաղաքային և 20 գյուղական բնակավայրերում գործում է անվճար տրանսպորտ։ Համայնքի առաջին տեղակալի խոսքով՝ դրա համար համայնքային միջոցներով ձեռք են բերվել 2026 թվականի արտադրության երթուղայիններ։

Բացի այդ, Սպիտակի ավագանին համաձայնություն է տվել 2027 թվականի հունվարի 1-ից համայնքային ենթակայության մանկապարտեզները Սպիտակի քաղաքացիների համար անվճար դարձնելու նախագծին։

Համայնքապետարանի տվյալներով՝ մանկապարտեզների անվճար ծառայության նախաձեռնությունը Քաջայր Նիկողոսյանը ներկայացրել էր դեռևս 2026 թվականի հունվարին, սակայն այն հնարավոր կլինի կիրառել 2027 թվականից։