Մանկապղծության նոր դեպք է արձանագրվել. «Հրապարակ»

Էրեբունի վարչական շրջանում անչափահասի նկատմամբ սեռական բռնության դեպքի առթիվ քրեական վարույթ է նախաձեռնվել։

«Հրապարակ»-ի տեղեկություններով՝ դեպքը տեղի է ունեցել ամիսներ առաջ՝ բնակարաններից մեկում։ Քննչական կոմիտեի փոխանցմամբ՝ վարույթի շրջանակում մեկ անձի նկատմամբ հանրային քրեական հետապնդում է հարուցվել Քրեական օրենսգրքի 198-րդ հոդվածի 3-րդ մասի 1-ին կետով՝ սեքսուալ բնույթի բռնի գործողությունների հատկանիշներով։

Նշված անձը կալանավորվել է։ Քրեական վարույթի նախաքննությունն ավարտվել է, և գործը մեղադրական եզրակացությամբ ուղարկվել է հսկող դատախազին։

Քննչական մարմինը լրացուցիչ մանրամասներ չի հրապարակել՝ հաշվի առնելով գործի բնույթը և անչափահասի շահերի պաշտպանությունը։