Դեպարդիեն խորը դեպրեսիայի մեջ է, ասել է պրոդյուսերը
Աշխարհ
Ֆրանսիայում իր դեմ ուղղված դատական հետապնդումների և մեղադրանքների պատճառով հայտնի ֆրանսիացի դերասան Ժերար Դեպարդիեն այլևս չի ցանկանում նկարահանվել ֆիլմերում և վարում է մեկուսի կյանք, ՌԻԱ Նովոստիին ասել է Փարիզի Սերգեյ Ռախմանինովի անվան կոնսերվատորիայի տնօրեն և դերասանի հետ սերտորեն համագործակցող պրոդյուսեր Արնո Ֆրիլեն։
Սեպտեմբերի 17-ին Փարիզի դատարանը կքննի դերասանի բողոքարկումը՝ դերասանուհի Շառլոտ Արնուլի նկատմամբ իր ենթադրյալ բռնաբարության գործը դատարան ուղարկելու որոշման դեմ։ Սա Դեպարդիեի առաջին դատավարությունը չէ։ 2025 թվականի մայիսին Փարիզի դատարանը դերասանին դատապարտեց 18 ամսվա պայմանական ազատազրկման՝ մեղավոր ճանաչվելով «Կանաչ փեղկեր» ֆիլմի նկարահանող խմբի անդամների նկատմամբ սեռական ոտնձգության մեջ։
«Ցավոք, նա այլևս դերասանական արվեստով չի զբաղվում։ Նրա հետ տեղի ունեցած բոլոր իրադարձությունների պատճառով, որոնք շատ տխուր են և, ցավոք, հրեշավոր անարդար, նա այլևս ընդհանրապես չի աշխատում։ Նա լիովին կոտրված է և խորը ընկճված», - ասել է Ֆրիլլեն։
Պրոդյուսերն ու դերասանը համագործակցել են բազմաթիվ ֆիլմերի վրա, այդ թվում՝ Գրիգորի Ռասպուտինի մասին ֆիլմերի, «Ճանապարհորդություն դեպի Կովկաս», «Տափաստանների ձայնը» և այլն: Այս ֆիլմերից մի քանիսը նկարահանվել են Ռուսաստանում:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
