Շվեյցարական ժամացույցների արտահանումն աճել է ավելի քան 9%-ով՝ չնայած ԱՄՆ մաքսատուրքերին

2026 թվականի օգոստոսին շվեյցարական ժամացույցների արտահանումը տարեկան կտրվածքով աճել է 9,1%-ով։ Bloomberg-ի փոխանցմամբ՝ այս մասին վկայում են Շվեյցարական ժամացույցների արդյունաբերության ֆեդերացիայի տվյալները։

Արտահանումն աճել է արդեն չորրորդ ամիսն անընդմեջ՝ չնայած ամերիկյան շուկայում առկա դժվարություններին։ Աճին հիմնականում նպաստել են Չինաստան, Ճապոնիա և Սինգապուր մատակարարումները։ Միևնույն ժամանակ ԱՄՆ շուկա շվեյցարական ժամացույցների արտահանումը նվազել է 19,4%-ով։

Ժամացույցների համաշխարհային շուկան, սակայն, շարունակում է ճնշման տակ մնալ մաքսատուրքերի և աշխարհաքաղաքական լարվածության պատճառով, որոնք ազդում են շքեղության ապրանքների պահանջարկի վրա։ Շվեյցարական արտադրողների համար լրացուցիչ խնդիր է նաև Չինաստանում վաճառքների անկումը՝ երկրի տնտեսական աճի դանդաղման և ցուցադրական սպառման նկատմամբ վերահսկողության խստացման ֆոնին։