Changan-ի այս մոդելի վաճառքը գրեթե զրոյացել է․ մեկ ամսում վաճառվել է ընդամենը 3 մեքենա. ՌԴ

Changan Lamore սեդանի նկատմամբ պահանջարկը Ռուսաստանում կտրուկ նվազել է։ Օգոստոսին երկրում գրանցվել է այս մոդելի ընդամենը երեք ավտոմեքենա, իսկ հուլիսին՝ միայն մեկը, հայտնում է «Китайские автомобили» Telegram-ալիքը։

2026 թվականի սկզբից Ռուսաստանում ընդհանուր առմամբ գրանցվել է 394 Changan Lamore։ Արտադրողի պաշտոնական կայքում ներկայում առկա է ևս 17 մեքենա, որոնք արդեն վաճառվում են Uni-L անվանումով։ Դրանցից վեցը նշված են որպես ճանապարհին գտնվող ավտոմեքենաներ։ Նոր անվանումով վաճառքները, սակայն, առայժմ չեն ներառվել ընդհանուր վիճակագրության մեջ։

Միևնույն ժամանակ ռուսական ավտոշուկայում չինական որոշ այլ ապրանքանիշեր ևս վաճառքների զգալի անկում են գրանցում։ Մասնավորապես, օգոստոսին Knewstar-ի վաճառքը տարեկան կտրվածքով նվազել է 98,6%-ով՝ հասնելով ընդամենը յոթ ավտոմեքենայի։