Չինաստանը կորցրել է նավթի համաշխարհային շուկան նախկինի պես հավասարակշռելու հնարավորությունը․ վերլուծաբան

Չինաստանն այլևս չունի նավթի համաշխարհային շուկայում իրավիճակը նախկինի պես հավասարակշռելու հնարավորությունը։ Այս մասին հայտարարել է Էներգետիկ զարգացման հիմնադրամի տնօրեն Սերգեյ Պիկինը՝ մեկնաբանելով շուկայում ստեղծված իրավիճակը։

Նրա խոսքով՝ ԱՄՆ-ի և Իրանի հակամարտության սկզբնական փուլում Չինաստանը կարողանում էր մեղմել շուկայի վրա ճնշումը՝ նվազեցնելով նավթի վերամշակման ծավալները։ Սակայն աշուն-ձմեռ ժամանակահատվածի սկսվելու պայմաններում Պեկինի համար նման եղանակով պահանջարկն ու առաջարկը հավասարակշռելը զգալիորեն դժվարացել է։

Պիկինը նաև նշել է, որ նավթի շուկան, ամենայն հավանականությամբ, այլևս չի վերադառնա հակամարտությունից առաջ եղած վիճակին։ Նրա գնահատմամբ՝ ներկայիս անորոշությունն այնքան մեծ է, որ դժվար է կանխատեսել ոչ միայն երկարաժամկետ զարգացումները, այլև այն, թե ինչպես կփոխվի իրավիճակը մինչև տարեվերջ։