Զինծառայողը կրակել է երեք ծառայակիցների վրա և ինքնասպան եղել

Սումիի մարզում Ուկրաինայի տարածքային պաշտպանության 106-րդ բրիգադի մոբիլիզացված զինծառայողը կրակել է իր երեք ծառայակիցների վրա, որոնք, ըստ ռուսական ուժային կառույցներում «ՌԻԱ Նովոստի»-ի աղբյուրների, նրանից գումար էին շորթում։

Աղբյուրի պնդմամբ՝ Նիկոլայ Վենեդիկտովը մշտական տեղակայման վայրում կրակել է երեք զինծառայողների վրա, ինչից հետո ինքնասպան է եղել։

Ռուսական ուժային կառույցների ներկայացուցչի պնդմամբ՝ բրիգադի հրամանատարությունը փորձել է տեղի ունեցածը ներկայացնել որպես մարտական կորուստ, սակայն զոհվածների հարազատների միջոցով միջադեպի մասին տեղեկությունը տարածվել է։ Նյութում ներկայացված այս տեղեկությունների վերաբերյալ ուկրաինական կողմի պաշտոնական մեկնաբանություն չի նշվում։