FT. Պակիստանը կոչ է անում Իրանին՝ զսպել Սաուդյան Արաբիայի վրա հութիների հարձակումները

Պակիստանի բանակի հրամանատար Ասիմ Մունիրը խնդրել է Իրանին ազդել եմենյան ապստամբական «Անսար Ալլահ» (հուսիթներ) շարժման վրա՝ Սաուդյան Արաբիայի վրա հարձակումները դադարեցնելու համար, հաղորդում է բրիտանական «Ֆայնենշլ Թայմս» (FT) թերթը։

Թերթի աղբյուրների համաձայն՝ Մունիրը բազմիցս խնդրել է Իրանի ղեկավարությանը օգնել Սաուդյան Արաբիայի և նրա էներգետիկ ենթակառուցվածքների վրա հութիների հարձակումները դադարեցնելու հարցում՝ հղում անելով Իսլամաբադի՝ Ռիադի նկատմամբ ստանձնած պարտավորություններին, բայց առանց կոնկրետ սպառնալիքների։

Թերթի աղբյուրներից մեկը նաև նշել է, որ Իսլամաբադը, որը ապրիլին կործանիչներ էր տեղակայել Սաուդյան Արաբիայի արևելքում գտնվող ավիաբազայում, գտնվում է «դժվարին վիճակում»։

Պակիստանը հրաժարվել է միանալ Սաուդյան Արաբիայի կողմից Եմենի վրա իրականացվող ավիահարվածներին 2015 թվականին, սակայն ներկայիս ֆինանսական դժվարությունները դժվարացնում են թագավորության նկատմամբ իր դաշնակցային պարտավորություններից խուսափելը։ Միևնույն ժամանակ, Պակիստանի արտաքին գործերի նախարարության ներկայացուցիչները նախկինում հրաժարվել են հրապարակայնորեն հայտարարել Սաուդյան Արաբիային աջակցելու կոնկրետ հնարավոր ռազմական միջոցառումների մասին։