Երևան-Անկարա նոր համագործակցություն․ կողմերը քննարկել են հեռարձակման ոլորտի հուշագիրը

Հայաստանն ու Թուրքիան քննարկել են հեռուստառադիոհեռարձակման ոլորտում համագործակցության հնարավորությունը։

Հարցը քննարկվել է Հայաստանի Հեռուստատեսության և ռադիոյի հանձնաժողովի նախագահ Տիգրան Հակոբյանի և Թուրքիայի իր գործընկեր Դենիզ Գյուլերի հանդիպման ընթացքում, որը կայացել է Բուլղարիայում։

Կողմերը քննարկել են փորձի փոխանակում և ոլորտային միջազգային հարթակներում համագործակցություն նախատեսող հուշագիր ստորագրելու հնարավորությունը։