Երևանի տարբեր հասցեներում գործելու են պատվաստումային շարժական կետեր

ՀՀ առողջապահության նախարարությունից տեղեկացնում են.

«Սեպտեմբերի 22-ից Երևանի տարբեր հասցեներում գործելու են պատվաստումային շարժական կետեր:

Այսպիսով` քաղաքացիներն, առանց ԱԱՊ օղակ այցելելու, կարող են պատվաստվել սեզոնային գրիպի դեմ` կանխարգելելով գրիպով հիվանդացումը ու հնարավոր բարդությունները:

Պատվաստումային շարժական կետերը գործելու են սեպտեմբերի 22-ից մինչև դեկտեմբերի 4-ը, աշխատանքային օրերին, ժամը 10։00-16։00՝ հետևյալ հասցեներում. Վերնիսաժում՝ նշված ժամանակահատվածի ողջ ընթացքում, իսկ Ազատության հրապարակի, Հանրապետության հրապարակի, Մերգելյան այգու (Կոմիտաս պողոտա 1), Գայի արձանի, Աջափնյակ թաղամասի Կայզեր սուպերմարկետի (Մարգարյան փողոց 23/6), Դավթաշեն թաղամասի Երևան Սիթի սուպերմարկետի (Տիգրան Պետրոսյան փողոց 25/5), Դալմա Գարդեն Մոլ զվարճաառևտրային համալիրի և Գարեգին Նժդեհի հրապարակի տարածքներում՝ սահմանված ժամանակացույցով:

Պատվաստումային շարժական կետերում կարող եք պատվաստվել ինչպես սեզոնային գրիպի, այնպես էլ կորոնավիրուսային հիվանդության, մարդու պապիլոմավիրուսային վարակի, կարմրուկի, կարմրախտի, խոզուկի (ԿԿԽ) դեմ»: