Մոսկվայի վրա ԱԹՍ-ների աննախադեպ հարձակում․ Սոբյանինը մանրամասներ է հայտնել

Մոսկվայի քաղաքապետ Սերգեյ Սոբյանինը հայտնել է, որ վերջին մեկ օրվա ընթացքում հետ է մղվել Մոսկվայի վրա անօդաչու թռչող սարքերի ամենախոշոր հարձակումը։

Նրա խոսքով՝ երեկվանից Մոսկվայի ուղղությամբ տարբեր սահմանագծերում խոցվել է ավելի քան 1600 ԱԹՍ, որոնցից 450-ը՝ մայրաքաղաքին մոտենալիս։

«Աննախադեպ հարձակումը, ակնհայտորեն, ծրագրված էր ընտրությունները խափանելու նպատակով։ Հակառակորդին դա չհաջողվեց»,- գրել է Սոբյանինը։

Սեպտեմբերի 20-ի գիշերը անօդաչու թռչող սարքերը վնասել են Մոսկվայի նավթավերամշակման գործարանի տարածքում գտնվող օբյեկտներից մեկը։ Տուժածներ չկան, դեպքի վայրում աշխատում են արտակարգ ծառայությունները։

Սոբյանինի փոխանցմամբ՝ ևս մեկ ԱԹՍ հարվածել է Մոսկվայի Օրեխովի բուլվարի շրջանում գտնվող շենքին։

ԱԹՍ-ների հարձակման ֆոնին Մոսկվայի չորս օդանավակայաններում՝ «Դոմոդեդովո»-ում, «Շերեմետևո»-ում, «Ժուկովսկի»-ում և «Վնուկովո»-ում, ժամանակավոր սահմանափակումներ են մտցվել ինքնաթիռների ընդունման և թռիչքների համար։