Անկախության 35-ամյակի միջոցառումների պատճառով Երևանում երթևեկությունը կսահմանափակվի

Հայաստանի Հանրապետության անկախության 35-ամյակին նվիրված միջոցառումների շրջանակում այսօր՝ սեպտեմբերի 21-ին, Երևանում երթևեկության սահմանափակումներ են գործելու։ Այս մասին հայտնում է ՆԳՆ ոստիկանությունը։

Ոստիկանության հաղորդմամբ՝ սեպտեմբերի 21-ի ժամը 08։00-ից մինչև սեպտեմբերի 22-ի ժամը 02։00-ն տրանսպորտային միջոցների մուտքը Հանրապետության հրապարակ և դրան հարող մի շարք ճանապարհահատվածներ սահմանափակված է լինելու։

Դեպի Հանրապետության հրապարակ երթևեկությունը սահմանափակված է՝

Աբովյան-Թումանյան փողոցների խաչմերուկից,

Սախարովի հրապարակից,

Պապ թագավորի փողոց-Մաշտոցի պողոտա խաչմերուկից,

Տիգրան Մեծի պողոտա-Խանջյան փողոց խաչմերուկից,

Վազգեն Սարգսյան-Խորենացի փողոցների խաչմերուկից։

Ոստիկանությունը վարորդներին հորդորում է նշված ճանապարհահատվածները շրջանցել՝ երթևեկության անվտանգությունն ու միջոցառումների անխափան կազմակերպումն ապահովելու համար։