«Արժանի պատասխան». Լուկաշենկոն` Պուտինին

Բելառուսի նախագահ Ալեքսանդր Լուկաշենկոն շնորհավորել է իր ռուս գործընկեր Վլադիմիր Պուտինին քվեարկության միասնական օրվա հաջող անցկացման կապակցությամբ։ Այս մասին ԲելՏԱ-ին հայտնել են Բելառուսի առաջնորդի մամուլի ծառայությունից։   

«Միլիոնավոր ընտրողների աննախադեպ ակտիվությունը և «Եդինայա Ռոսիա» կուսակցության կողմից հաստատված սահմանադրական մեծամասնությունը Պետական դումայում արժանի պատասխան են դրսից արվող այն նենգ փորձերին, որոնք նպատակ ունեն վարկաբեկել արշավը և պառակտում մտցնել ռուսական համախմբված հասարակության մեջ», — ասված է շնորհավորական ուղերձում։   

Լուկաշենկոն հավելել է, որ ընտրությունների արդյունքները ցույց տվեցին ռուսաստանցիների հավատարմությունը երկրի զարգացման այն ուղեգծին, որը սահմանել է Պուտինը։   

Պետդումայի պատգամավորների հերթական ընտրությունները Ռուսաստանում անցկացվել են սեպտեմբերի 18-ից 20-ը։ Բացի այդ, քաղաքացիներն ընտրել են ութ տարածաշրջանների ղեկավարների և 39 տարածաշրջանային խորհրդարանների անդամների։ Նախնական տվյալներով՝ մասնակցությունը կազմել է 56,66%։ Ինչպես հայտնել են Կենտրոնական ընտրական հանձնաժողովում, «Եդինայա Ռոսիա» կուսակցությունը արձանագրությունների 82,19%-ի հաշվարկից հետո հավաքել է քվեների 57,76%-ը, ինչը խորհրդարանի ստորին պալատում մոտ 130 տեղ է։