Նյու Յորքում քննարկվել են COP17-ի առաջնահերթություններն ու նախապատրաստական աշխատանքները

Նյու Յորքում շրջակա միջավայրի նախարար Համբարձում Մաթևոսյանը հանդիպել է Նորվեգիայի կլիմայի և շրջակա միջավայրի նախարար Սիգրուն Գյերլյով Օսլանդի հետ։ Հանդիպումը տեղի է ունեցել ՄԱԿ-ի Գլխավոր ասամբլեայի 81-րդ նստաշրջանի շրջանակում։

Հանդիպման առանցքում եղել են Երևանում կայանալիք COP17-ի նախապատրաստական աշխատանքները և Հայաստանի՝ որպես համաժողովի նախագահության առաջնահերթությունները։

Քննարկվել են կենսաբազմազանության ֆինանսավորման և ռեսուրսների մոբիլիզացման, էկոհամակարգերի վերականգնման ու բնահեն լուծումների, լեռնային էկոհամակարգերի պահպանության, կենսաբազմազանության մոնիթորինգի և գիտական տվյալների փոխանակման հարցերը։

Կողմերը կարևորել են նաև կլիմայի փոփոխության և կենսաբազմազանության օրակարգերի միջև համագործակցության ամրապնդումը, ինչպես նաև COP17-ին ընդառաջ Նորվեգիայի ակտիվ ներգրավվածությունն ու Հայաստանի հետ գործնական համագործակցության խորացումը։