BRAF-ի 14-րդ տարեկան համաժողովը 2027-ին կանցկացվի Հայաստանում

Հայաստանի հեռուստատեսության և ռադիոյի հանձնաժողովը միաձայն ընտրվել է Սևծովյան կարգավորող մարմինների ֆորումի (BRAF) 2027 թվականի նախագահող մարմին։ Այդ որոշումը կայացվել է Սոֆիայում անցկացված BRAF-ի 13-րդ տարեկան համաժողովի ընթացքում։

Այսպիսով, BRAF-ի 14-րդ տարեկան համաժողովը 2027 թվականի սեպտեմբերին կանցկացվի Հայաստանում։ Ֆորումը միավորում է 12 երկրների հեռարձակման ոլորտի կարգավորող մարմինների։

Համաժողովի շրջանակում քննարկվել են հեռուստատեսության և ռադիոյի ոլորտի զարգացումներն ու մարտահրավերները, ինչպես նաև արհեստական բանականության ազդեցությունը բովանդակության ստեղծման, մոդերացման, տարածման և մեդիայի կարգավորման վրա։

ՀՌՀ նախագահ Տիգրան Հակոբյանը հանդիպել է Թուրքիայի Ռադիոյի և հեռուստատեսության բարձրագույն խորհրդի նախագահի տեղակալ Դենիզ Գյուլերի հետ։ Կողմերը քննարկել են հեռարձակման ոլորտի զարգացումները, առկա մարտահրավերներն ու կարգավորող մարմինների գործունեությանը վերաբերող հարցեր։