ԿԸՀ-ն բաշխել է ՏԻՄ ընտրությունների տեղամասերի նախագահի և քարտուղարի պաշտոնները

Կենտրոնական ընտրական հանձնաժողովը սեպտեմբերի 22-ի նիստում հաստատել է 2026 թվականի հոկտեմբերի 25-ին կայանալիք ՏԻՄ ընտրություններում տեղամասային ընտրական հանձնաժողովների նախագահի և քարտուղարի պաշտոնների բաշխումը։

Պաշտոնները բաշխվել են Ազգային ժողովում խմբակցություն ունեցող կուսակցության և կուսակցությունների դաշինքների միջև՝ հետևյալ համամասնությամբ․

«Քաղաքացիական պայմանագիր» կուսակցություն՝ 315-ական նախագահի և քարտուղարի պաշտոն,

«Ուժեղ Հայաստան» կուսակցությունների դաշինք՝ 143-ական

«Հայաստան» կուսակցությունների դաշինք՝ 59-ական։

ԿԸՀ-ի որոշմամբ՝ տեղամասային ընտրական հանձնաժողովների անդամներ նշանակելու մասին հայտերը ԿԸՀ պետք է ներկայացվեն սեպտեմբերի 25-ից 30-ը՝ մինչև ժամը 18։00-ն։

Նիստում ԿԸՀ-ն նաև հավատարմագրել է «Բնակավայրերի համաչափ զարգացում» հասարակական կազմակերպության դիտորդներին՝ հոկտեմբերի 25-ի ՏԻՄ ընտրություններում դիտորդական առաքելություն իրականացնելու համար։