Վենեսուելայի նախագահի ներկայացուցիչը խոստացել է անցկացնել ընտրություններ

Վենեսուելան կանցկացնի ընտրություններ։ Իշխանություններն արդեն երկխոսություն են վարում ընդդիմության հետ այս հարցի շուրջ։ Ընտրությունները կլինեն թափանցիկ, հայտարարել է նախագահի հանձնակատար Դելսի Ռոդրիգեսը ՄԱԿ-ի Գլխավոր ասամբլեայում իր ելույթում։

Նա նշել է, որ Վենեսուելան երաշխավորում է իրական պայմաններ բոլոր քաղաքական ուժերի մասնակցության համար երկրի կյանքում։

«Ժողովրդավարությունը չի չափվում ընտրությունների առկայությամբ։ Ժողովրդավարությունը չափվում է այդ ընտրություններին նախորդող մրցակցության որակով։

Ընտրությունները պետք է լինեն լուծում, այլ ոչ թե անհաշտելի հակամարտությունների աղբյուր։ Վենեսուելան կանցկացնի ընտրություններ, և այդ նպատակով մենք սկսել ենք քաղաքական երկխոսություն ընդդիմադիր հատվածների հետ՝ գործընթացը բոլորի համար հավասար հիմունքներով առաջնորդելու համար», - ասել է Ռոդրիգեսը։